2010, മേയ് 23, ഞായറാഴ്‌ച

പൊഴിക്കട്ടെ കണ്ണുനീര്‍തുള്ളികള്‍...

പൊഴിക്കട്ടെ കണ്ണുനീര്‍തുള്ളികള്‍
ഒഴുകട്ടെയലിവിന്‍ നീരുറവകള്‍...
ഒരു മഹാദുരന്തത്തിന് മൂകസാക്ഷിയായ്
ചാറ്റല്‍ മഴയീറനണിയിക്കും
പ്രകൃതിയും വിതുമ്പിക്കരയുന്നൂ..!
അമ്മതന്‍ മാറോടു പറ്റിച്ചേര്‍ന്നു
അമ്മിഞ്ഞ നുകരും കുഞ്ഞോമനകളും
ഒരു നിമിഷാര്‍ദ്ധത്തില്‍ വിധിയുടെ
ക്രൂര വിനോദത്തിന്നിരകളായ്
കത്തിക്കരിഞ്ഞ ജഡങ്ങളായ് മാറി
മനസ്സിനെ മരവിപ്പിച്ചൊരീ
മഹാദുരന്തത്തെ മറക്കാന്‍ കഴിയുമോ..?
മംഗലാപുരമാകെ വേദന തളം കെട്ടി
വിറങ്ങലിച്ചു നില്‍പ്പൂ..!
കരളലിയിച്ചിടും കാഴ്ച
കാണുവാന്‍ കഴിയാതെ...
ആദരാഞ്ജലികള്‍ അര്‍പ്പിക്കുന്നൂ
ആത്മശാന്തിക്ക് വേണ്ടി
മനം നൊന്തു കേഴുന്നൂ
നിര്‍ത്തട്ടെയീ ഈരടികള്‍...