സരസ്വതിസ്തുതി

ദേവീ,സരസ്വതി ജഗദംബികേ,
ദേവീ,കനിയേണം തുണയേകണം...
അജ്ഞതയെന്നുമകറ്റിടാനായ്
അമ്മേ,യറിവിൻ വെളിച്ചമേകൂ...
അഴകാർന്ന പിഞ്ചുകരങ്ങളാലെ
എഴുതിത്തുടങ്ങട്ടെയാദ്യാക്ഷരം...
നാദസ്വരൂപിണീ,നിൻ കൃപയാൽ
കാതുകൾക്കിമ്പമായ് സ്വരമാധുരി..
അലയടിച്ചെത്തുന്ന ദേവരാഗം
വിലയിച്ചിടുന്നിതാ വാനിടത്തിൽ...
ദേവീ,സരസ്വതി മൂകാംബികേ
പൂവുകളക്ഷരപ്പൂക്കളേകാം...
പത്മദളങ്ങൾ കൊരുത്ത മാല്യം
പാദയുഗ്മങ്ങളിൽചാർത്തിടട്ടെ...
എകണം കാരുണ്യമെന്നുമെന്നും
ഏഴകൾക്കാശ്വാസം ജഗദംബികേ...

രാക്കിളിപ്പാട്ട്

ഒരു മുല്ലപ്പൂവിന്റെ നറുമണം നുകരുവാൻ
വിരുന്നിനായെത്തിയ തെന്നലേ,നീ
സൗരഭമൊക്കെയുമെൻ പാനപാത്രത്തിൽ
കോരിയൊഴിക്കുവാൻ വന്നതല്ലേ..?
തേന്മാവിൻ കൊമ്പിലെ കൂട്ടിലിന്നേകനായ്
തേങ്ങിക്കരഞ്ഞിടും രാക്കിളിതൻ,
ഗാനങ്ങളെൻ ഹൃത്തിൽ ശ്രുതി ചേർത്ത വേളയിൽ
മാനസം സംഗീതസാന്ദ്രമായി..!
എതിർപാട്ട് പാടുവാൻ മോഹിച്ചുവെങ്കിലും
കതിർകാണാക്കിളിയായ് ഞാൻ മാറിയല്ലോ..!
മണ്‍ചെരാതൊന്നിന്റെ വെട്ടത്തിലാരുടെ
കാൽപെരുമാറ്റമീയിടനാഴിയിൽ..?
കുളിർകാറ്റായരികിൽ നീ വന്നതറിഞ്ഞില്ല
കുയിലിന്റെ പാട്ടിൽ ലയിച്ചിരിക്കെ...
രാക്കിളിപ്പാട്ടിനു തംബുരു മീട്ടുവാൻ
ചേക്കേറാം ഞാനുമാകൂട്ടിനുള്ളിൽ..!
ഹൃദയവിപഞ്ചിക തൊട്ടുതലോടവേ
രാഗ താളങ്ങളെ കോർത്തിണക്കി,
വാനമ്പാടിതൻ ഗാനോൽസവത്തിലെ
തേനൂറും പാട്ടായ് ഞാൻ വീണ്ടുമെത്തും...
ജനിമൃതിക്കിടയിലെയിടവേള തീരുമ്പോൾ
ഇനിയും നിന്നോർമ്മകൾ മാത്രം മതി..!

Strange Thoughts

                           

             Weeping mind is an ocean of sorrows
             Who can save me from the land of chaos..?
             God Almighty and the Angels with golden wings
             May follow me with shadows of protection
             Deserts are sleeping with broken dreams
             Lightning with thunder flashes around the sky..
             Searching for a safe shelter to hide my face
             But my eyes are filled with full of tears.!
             Nightmare chased me to a hell and locked
             Can I break the chains of slavery at any time..?
             Weeping mind is an ocean of sorrows
             Who can save me from the land of chaos..?