തിരക്കേറുമീ നാല്‍ക്കവലയില്‍ പകച്ചു നിന്നിടുംഏകാന്ത പഥികനായി ഞാനീ നഗരവീഥിയില്‍
ഒഴുകി നീങ്ങിടും പുരുഷാരത്തിനിടയില്‍പെട്ട്
വഴിയറിയാതെയാള്‍ക്കൂട്ടത്തിലേകനായ് നില്‍പ്പൂ
എങ്ങോട്ട് പോകണമെന്നറിയില്ല, ദിക്കുകളറിയില്ല
മങ്ങുന്നൂ കാഴ്ച്ചയെന്‍ തല കറങ്ങുന്നുവോ..!
ആരുന്ടെനിക്ക് വഴി കാട്ടിയായ്‌ വരാനിപ്പോള്‍
നേരായ മാര്‍ഗ്ഗം കാട്ടി ലക്ഷൃത്തിലെത്തിക്കുവാന്‍..?
ഇന്നല്ലെങ്കില്‍ വേറൊരു നാള്‍ വരുമെന്‍ വഴികാട്ടി
അന്നോളം കാത്തു നില്ക്കും ഞാനീ നാല്‍ക്കവലയില്‍..!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ