ഇതെന്‍ പ്രിയ നഗരം ബംഗളൂരു...ഇവിടയെന്‍ കൌമാര സ്വപ്നങ്ങള്‍ക്ക്
ചിറകു മുളച്ചതും വാനോളമുയര്‍ന്നതും
നഗരമാദ്യമായ് കണ്ടതുമെന്നോര്‍മ്മയില്‍
തെളിയുന്നതിപ്പോഴും വര്‍ഷങ്ങള്‍ക്കിപ്പുറം..!
മെജസ്റ്റിക്കില്‍ ബസ്സിറങ്ങി നടന്നു ഞാന്‍
നഗരത്തിലെന്നുടെ ലക്‌ഷ്യം കാണണം
കുംഭാരപെട്ടിലെത്തണമെനിയ്ക്ക് നഗരത്തില്‍
രാവെത്തും മുമ്പെ നഗരത്തിരക്കിലൂടെ വേഗം
ചിക്പെട്ടിലെ തെരുവുകള്‍ താണ്ടിയൊടുവില്‍
കുംഭാരപെട്ടിലും മാവള്ളിയിലെ വീട്ടിലുമെത്തി
ബംഗളൂരിലേക്കിതെന്‍റെ കന്നി യാത്ര പിന്നീട്
പലവട്ടം ഞാനീ നഗരത്തില്‍ രാപാര്‍ത്തു...
ഇന്നനെക്കിവിടം മുക്കും മൂലയും പരിചിതങ്ങള്‍
ഇതാണെന്റെ നഗരം ബംഗളൂരു പ്രിയ നഗരം
ഇപ്പോഴുമെനിക്കിവിടം നൊസ്റ്റാള്‍ജിയ..!
കലാസ്‌ പാളയവും, സിറ്റി മാര്‍ക്കറ്റും
തിരക്കേറും തെരുവുകളും,ലാല്‍ ബാഗിലെ സന്ധ്യകളും,
ശിവജി നഗറും, കണ്ടോണ്‍മെന്‍റും, കബ്ബണ്‍ പാര്‍ക്കും
എവിടെയുമേനിക്കീ നഗരം മനഃപാഠമായ്..!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ