പച്ചയാണെന്റെയിഷ്ടനിറമെന്കിലുമെന്നുംചുവപ്പിനോടാണെനിക്കതിലേറെ പ്രിയം..!
പച്ചയില്‍ കാണ്മൂ പ്രകൃതിതന്‍ പവിത്രത
ചുവപ്പിലോ വിപ്ലവത്തിന്‍ നേരടയാളവും
മഞ്ഞ കാണുമ്പോളോര്‍മ്മയില്‍ വരുന്നത്
കാര്‍മുകില്‍വര്‍ണ്ണന്റെ പീതാംബരം..!
നീലയിലാകാശത്തിന്‍ നൈര്‍മ്മല്യവും പിന്നെ
ആഴിതന്നാഴവും വൈപുല്യവും കാണാം
കാവിയില്‍ ഓംകാരത്തിന്‍ ശക്തിയുമൊപ്പം
തപോധനന്‍മാരണിയും കാഷായവസ്ത്രവും
കറുപ്പോ തിന്മകള്‍ക്കുറ്റ ചങ്ങാതിയും
വെളുപ്പോ നന്മകള്‍ക്ക് വഴികാട്ടിയും
നിറങ്ങള്‍തന്‍ മായാജാലമിതെല്ലാം
മാരിവില്ലായി തെളിയുന്നിതെന്‍ മുന്നില്‍..!
1 അഭിപ്രായം:
:)
ഒരു അഭിപ്രായം പോസ്റ്റ് ചെയ്യൂ