പരാതിക്കരനാണോ താനെന്കിലിങ്ങിടത്തുവാ...
പറയൂ നിന്‍ പരാതികളെന്തെല്ലാം..?കേള്‍ക്കട്ടെ...
നീയൊരു സ്ഥിരം പരാതിക്കാരനെന്കിലെനിക്കൊന്നും കേള്‍ക്കണ്ട...
നിന്‍ പഴംപുരാണങ്ങള്‍ കേട്ടു തഴന്പിച്ചതെന്‍ കാതുകള്‍..!
ഭരണകര്‍ത്താവിനെ കുറിച്ചോ,ന്യായാധിപനെ പറ്റിയോ,
ഉറക്കം നടിയ്ക്കും നിയമപാലകരെ കുറിച്ചോ നിന്‍ പരാതികള്‍..?
എന്കിലവയെല്ലാം വിശദമായ്‌ പറയുക പരാതിക്കാരാ...
എത്രയും പെട്ടെന്ന് പരിഹാരം കാണാന്‍ ശ്രമിക്കാം നമുക്ക്‌
ആവലാതികളാക്ഷേപമായ് മാറുന്നുവോ നിന്‍ കണ്ണുകളില്‍
ജ്വലിയ്ക്കും തീക്കനലുകള്‍ ചുട്ടെരിക്കുമൊ ലോകം..?
ദൈന്യ ഭാവമോ,അതോ രൌദ്ര ഭാവമോ,നിന്‍ മുഖമുദ്ര..?
കാഴ്ചക്കപ്പുറം നില്‍ക്കും പരാതിക്കാരാ നീയിങ്ങടുത്തു വാ
എന്തെല്ലാം നിന്‍ പരാതികള്‍..? തെളിച്ചു പറയുക പിന്നൊരിയ്ക്കല്‍
എനിയ്ക്കല്‍പ്പം തിരക്കുണ്ടല്ലോ സുഹൃത്തെ, നമുക്കിനിയും കാണാം...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ