തിരിച്ചു പോക്ക്

ഇനിയുമൊരു തിരിച്ചു പോക്കുണ്ടാകുമോ..?
അറിയില്ലല്ലോ..!എല്ലാം തീരുമാനിച്ചുറപ്പിക്കുന്നത്
അജ്ഞാതമേതോ കേന്ദ്രത്തില്‍ വെച്ചാണല്ലോ..!
പിന്നെനിക്കെങ്ങിനെ പറയാന്‍ കഴിയും..?
കാലം ചുളിവുകള്‍ തീര്‍ത്ത മുഖത്തെന്തേ
നാളിതുവരെ കാണാത്തൊരു ദൈന്യഭാവം..?
ലക്ഷൃമില്ലാത്തൊരു നീണ്ട യാത്രക്കൊടുവില്‍
എത്തിപ്പെട്ടതീ ഒറ്റപ്പെട്ട തുരുത്തിലല്ലോ..!
എന്നിനീ ഏകാന്തതയുടെ വല്മീകത്തില്‍ നിന്നും
എനിയ്ക്ക് മോചനം..?അതുണ്ടാവുമോ..?
ഇപ്പോഴും ഉറപ്പില്ല തിരിച്ചു പോക്കിനെ ചൊല്ലി
ഇവിടം വിട്ടൊരു നാള്‍ ഞാന്‍ യാത്രയാകും..!