ഒരു പകല്‍ കൂടിയെരിഞ്ഞടങ്ങിഇരുള് മൂടിയ രാവും വന്നണഞ്ഞു...
നിശയുടെയേകാന്തയാമങ്ങളില്‍
നിദ്രാവിഹീനമാം നിമിഷങ്ങളില്‍
കരിന്തിരി കത്തുന്ന മണ്‍ചെരാതിന്‍
അരികത്തിരിപ്പൂ ഞാന്‍ പാതിരാവില്‍...
പോയകാലത്തിന്റെയനുഭൂതികള്‍
അയവിറക്കാനെനിക്കേറെയുണ്ട്...
മധുരവും കയ്പ്പും കലര്‍ന്ന ബാല്യം
ചൈതന്യം വിരിയിച്ച യൌവനവും
എല്ലാമെന്‍ ജീവിതത്താളുകളില്‍
മായാത്ത(മങ്ങാത്ത) വര്‍ണ്ണചിത്രം..!
നിറമാര്‍ന്ന സ്വപ്നങ്ങളന്നു നെയ്തു
നിറയൌവനത്തിന്‍റെ നാളുകളില്‍,
വിരുന്നിനായെത്തിയ പൊന്‍കിനാക്കള്‍
വിലമതിക്കാനാവാത്ത രത്നങ്ങളായ്...
മയില്‍‌പീലിതുണ്ടുകളെന്ന പോലെ
മനസ്സില്‍ ഞാന്‍ സൂക്ഷിച്ചു വെച്ച കാലം,
മറവിതന്‍ യവനിക നീക്കി മെല്ലെ
മരതകമുത്തായ്‌ ഞാനോമനിക്കും..!
ഇരുളിന്റെ നനവാര്‍ന്ന മാറിടത്തില്‍
ഒരു ചാറ്റല്‍മഴ പോലെ പെയ്തിറങ്ങും,
ഈ രാവുമതിലൂറുമോര്‍മ്മകളം
തീരാതിരുന്നെങ്കിലെന്നുമെന്നും..!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ