മാനത്ത് രാത്രിയില്‍ കണ്‍മിഴിച്ചീടുന്നോ-
രെന്നോമല്‍ താരകപെണ്ണേ,
രാവിന്റെ മാറത്ത് പാരുറങ്ങീടുമ്പോള്‍
എന്തെ നീ,സ്വപ്നം കാണുന്നൂ..?
നിന്നിണത്താരകം എങ്ങോട്ട് പോയെന്ന്
നോക്കിയിരിക്കുകയാണോ..?
അല്ലാതെയെന്തേ നീ, പാതിരാനേരത്ത്
താഴോട്ടു നോക്കിയിരിപ്പൂ..?
നാണിച്ചിട്ടാണോ നീ വൃക്ഷത്തലപ്പാവി-
ന്നുള്ളിലൂടെത്തിനോക്കുന്നൂ..?
അമ്പിളിപെണ്ണിന്റെ ചുറ്റുമായ്‌ നിന്ന് നീ,
നൃത്തം ചവിട്ടുകയാണോ..?
രാക്കുയിലിന്‍ രാഗഗീതങ്ങള്‍ കേട്ടു നീ,
താളം പിടിക്കുകയാണോ..?
താമരപൊയ്കയില്‍ കണ്ണാടി നോക്കി നീ,
കാവ്യം കുറിക്കുകയാണോ..?
ചൊല്ലുക താരക പെണ്ണേ,നീയെന്താണ്
നിദ്രാവിഹീനയായ് നില്‍പ്പൂ..?
(ദേശമിത്രം-ആഴ്ചപതിപ്പ് 1960 )
രെന്നോമല്‍ താരകപെണ്ണേ,
രാവിന്റെ മാറത്ത് പാരുറങ്ങീടുമ്പോള്‍
എന്തെ നീ,സ്വപ്നം കാണുന്നൂ..?
നിന്നിണത്താരകം എങ്ങോട്ട് പോയെന്ന്
നോക്കിയിരിക്കുകയാണോ..?
അല്ലാതെയെന്തേ നീ, പാതിരാനേരത്ത്
താഴോട്ടു നോക്കിയിരിപ്പൂ..?
നാണിച്ചിട്ടാണോ നീ വൃക്ഷത്തലപ്പാവി-
ന്നുള്ളിലൂടെത്തിനോക്കുന്നൂ..?
അമ്പിളിപെണ്ണിന്റെ ചുറ്റുമായ്‌ നിന്ന് നീ,
നൃത്തം ചവിട്ടുകയാണോ..?
രാക്കുയിലിന്‍ രാഗഗീതങ്ങള്‍ കേട്ടു നീ,
താളം പിടിക്കുകയാണോ..?
താമരപൊയ്കയില്‍ കണ്ണാടി നോക്കി നീ,
കാവ്യം കുറിക്കുകയാണോ..?
ചൊല്ലുക താരക പെണ്ണേ,നീയെന്താണ്
നിദ്രാവിഹീനയായ് നില്‍പ്പൂ..?
(ദേശമിത്രം-ആഴ്ചപതിപ്പ് 1960 )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ