നീലവാനം കാര്‍മുകിലാല്‍ കണ്ണുകള്‍ മറച്ചു
മാമരങ്ങള്‍ മഞ്ഞുതുള്ളികണ്ണുനീര്‍ പൊഴിച്ചു..!
പൊന്‍കിനാക്കള്‍ കണ്ടിരുന്ന കണ്ണുകള്‍ കലങ്ങി
മുഗ്ദഗാനമാലപിച്ച രാക്കിളി മയങ്ങി...
മാനസത്തില്‍ പൂത്തിരുന്ന പൂക്കളാകെ വാടി
പാതിരാവിലന്നു ഞാനെന്‍ ശോകഗീതം പാടി..!
ഭാവനതന്‍ കൊച്ചുതേരില്‍ വന്നൊരാകിനാക്കള്‍
ഭാവിയില്‍ വിരിഞ്ഞിടാനായ് വെമ്പിയോരാപൂക്കള്‍
മണ്ണില് മണ്ണായ് മറഞ്ഞു മാനസം കരഞ്ഞു
കൈത്തിരി കത്തിച്ചോരാപ്രതീക്ഷകള്‍ കരിഞ്ഞു
എന്തിനായ് വിരിഞ്ഞു?പൂവേ,വാടുവാനായ് മാത്രം
എന്മനസ്സില്‍ നീവരച്ചു വേദനതന്‍ ചിത്രം..!
പൂര്‍ണ്ണചന്ദ്രന്‍ വാനിടത്തില്‍ ചന്ദ്രിക പൂശുമ്പോള്‍
താരകങ്ങള്‍ നീലവാനില്‍ നൃത്തമാടീടുമ്പോള്‍
മാമരത്തില്‍ രാക്കിളികള്‍ പാടിരസിക്കുമ്പോള്‍
കൊച്ചുതെന്നല്‍ മാമരത്തെ തൊട്ടുതലോടുമ്പോള്‍
വീണപൂവേ,നിന്നെയോര്‍ത്ത് മാനസം കരയും
ഹൃത്തിലാകെ ശോകമാം സ്മരണകള്‍ നിറയും..!
(ദേശമിത്രം ആഴ്ചപതിപ്പ് 1960 )
മാമരങ്ങള്‍ മഞ്ഞുതുള്ളികണ്ണുനീര്‍ പൊഴിച്ചു..!
പൊന്‍കിനാക്കള്‍ കണ്ടിരുന്ന കണ്ണുകള്‍ കലങ്ങി
മുഗ്ദഗാനമാലപിച്ച രാക്കിളി മയങ്ങി...
മാനസത്തില്‍ പൂത്തിരുന്ന പൂക്കളാകെ വാടി
പാതിരാവിലന്നു ഞാനെന്‍ ശോകഗീതം പാടി..!
ഭാവനതന്‍ കൊച്ചുതേരില്‍ വന്നൊരാകിനാക്കള്‍
ഭാവിയില്‍ വിരിഞ്ഞിടാനായ് വെമ്പിയോരാപൂക്കള്‍
മണ്ണില് മണ്ണായ് മറഞ്ഞു മാനസം കരഞ്ഞു
കൈത്തിരി കത്തിച്ചോരാപ്രതീക്ഷകള്‍ കരിഞ്ഞു
എന്തിനായ് വിരിഞ്ഞു?പൂവേ,വാടുവാനായ് മാത്രം
എന്മനസ്സില്‍ നീവരച്ചു വേദനതന്‍ ചിത്രം..!
പൂര്‍ണ്ണചന്ദ്രന്‍ വാനിടത്തില്‍ ചന്ദ്രിക പൂശുമ്പോള്‍
താരകങ്ങള്‍ നീലവാനില്‍ നൃത്തമാടീടുമ്പോള്‍
മാമരത്തില്‍ രാക്കിളികള്‍ പാടിരസിക്കുമ്പോള്‍
കൊച്ചുതെന്നല്‍ മാമരത്തെ തൊട്ടുതലോടുമ്പോള്‍
വീണപൂവേ,നിന്നെയോര്‍ത്ത് മാനസം കരയും
ഹൃത്തിലാകെ ശോകമാം സ്മരണകള്‍ നിറയും..!
(ദേശമിത്രം ആഴ്ചപതിപ്പ് 1960 )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ