ജീവിത യാത്രയില്‍ പാഥേയമായ് കൊണ്ടുപോകാന്‍
നിന്നോര്‍മ്മകള്‍, നീ സമ്മാനിച്ച അസുലഭ നിമിഷങ്ങളും...
എല്ലാമെന്‍ മനം കുളിര്‍പ്പിക്കുമാനുഭവങ്ങള്‍ സഖീ,
മനസ്സിന്‍ മണിച്ചെപ്പില്‍ സൂക്ഷിക്കാനേതാനും മണിമുത്തുകള്‍..!
ഏതോ കിനാവിന്റെ തേരില്‍ ഞാന്‍ സഞ്ചാരം തുടങ്ങവേ
കൂടെയുണ്ടായിരുന്നു നീയെന്നരികിലൊരു മാലാഖ പോല്‍
തൊട്ടുണര്‍ത്തുവാന്‍ കുശലം പറയുവാനെപ്പോഴും
വിട്ടുപോകുവാന്‍ മനസ്സ് വരാതെയെന്‍ സവിധത്തില്‍ സഖീ...
തകര്‍ന്ന സ്വപ്നത്തിന്‍ ചിതയെരിഞ്ഞിടുന്നേരം
തളരാതെ സ്വാന്തനസ്പര്‍ശവുമായൊരുനാള്‍ വരില്ലേ വീണ്ടും..?
കാത്തിരിക്കും ഞാന്‍ കല്പാന്തകാലത്തോളം സഖേ,
കാലത്തിന്‍ മറുകരയെത്തും വരെ യാത്രയും തുടര്‍ന്നീടും..!
മഴമേഘങ്ങള്‍ കുട ചൂടുമീ ജനപഥത്തിലെന്‍ യാത്രക്കായ്
വഴിയൊരുക്കീടും കാലം ദിനരാത്രങ്ങള്‍ തന്‍ ചിറകിലേറി വരും..
എന്‍ മാറോട് ചേര്‍ത്തീ പാഥേയം സൂക്ഷിക്കും ഞാനെക്കാലവും
എന്റെ സഞ്ചാര വീഥിയില്‍ പനിനീര്‍ തളിക്കും ഗതകാലസ്മരണകള്‍..
വാചാലമാം മൌനത്തിന്റെ പുറന്തോട് പിളര്‍ന്നെത്തും മൊഴിമുത്തുകള്‍
അമൃതവര്‍ഷമായ് പെയ്തിറങ്ങും വരെ സ്വപ്‌നങ്ങള്‍ നെയ്തിടാം സഖീ..
അടര്‍ത്തി മാറ്റാനാവില്ല..! എന്നെയും നിന്നെയുമൊരിക്കല്‍ പോലും...
അനര്‍ഘനിമിഷങ്ങള്‍ ബന്ധിച്ച ചരടുകള്‍ മുറിക്കുവാന്‍ കഴിയുമോ..?
ഇല്ലന്നെന്‍ മനസ്സ് പറയുന്നു ഈ യാത്ര തീരും മുമ്പേ
വീണ്ടും നാം കണ്ടുമുട്ടും വരെ മോഹങ്ങള്‍ തന്‍ ശയ്യയില്‍ മയങ്ങീടാം... .
നിന്നോര്‍മ്മകള്‍, നീ സമ്മാനിച്ച അസുലഭ നിമിഷങ്ങളും...
എല്ലാമെന്‍ മനം കുളിര്‍പ്പിക്കുമാനുഭവങ്ങള്‍ സഖീ,
മനസ്സിന്‍ മണിച്ചെപ്പില്‍ സൂക്ഷിക്കാനേതാനും മണിമുത്തുകള്‍..!
ഏതോ കിനാവിന്റെ തേരില്‍ ഞാന്‍ സഞ്ചാരം തുടങ്ങവേ
കൂടെയുണ്ടായിരുന്നു നീയെന്നരികിലൊരു മാലാഖ പോല്‍
തൊട്ടുണര്‍ത്തുവാന്‍ കുശലം പറയുവാനെപ്പോഴും
വിട്ടുപോകുവാന്‍ മനസ്സ് വരാതെയെന്‍ സവിധത്തില്‍ സഖീ...
തകര്‍ന്ന സ്വപ്നത്തിന്‍ ചിതയെരിഞ്ഞിടുന്നേരം
തളരാതെ സ്വാന്തനസ്പര്‍ശവുമായൊരുനാള്‍ വരില്ലേ വീണ്ടും..?
കാത്തിരിക്കും ഞാന്‍ കല്പാന്തകാലത്തോളം സഖേ,
കാലത്തിന്‍ മറുകരയെത്തും വരെ യാത്രയും തുടര്‍ന്നീടും..!
മഴമേഘങ്ങള്‍ കുട ചൂടുമീ ജനപഥത്തിലെന്‍ യാത്രക്കായ്
വഴിയൊരുക്കീടും കാലം ദിനരാത്രങ്ങള്‍ തന്‍ ചിറകിലേറി വരും..
എന്‍ മാറോട് ചേര്‍ത്തീ പാഥേയം സൂക്ഷിക്കും ഞാനെക്കാലവും
എന്റെ സഞ്ചാര വീഥിയില്‍ പനിനീര്‍ തളിക്കും ഗതകാലസ്മരണകള്‍..
വാചാലമാം മൌനത്തിന്റെ പുറന്തോട് പിളര്‍ന്നെത്തും മൊഴിമുത്തുകള്‍
അമൃതവര്‍ഷമായ് പെയ്തിറങ്ങും വരെ സ്വപ്‌നങ്ങള്‍ നെയ്തിടാം സഖീ..
അടര്‍ത്തി മാറ്റാനാവില്ല..! എന്നെയും നിന്നെയുമൊരിക്കല്‍ പോലും...
അനര്‍ഘനിമിഷങ്ങള്‍ ബന്ധിച്ച ചരടുകള്‍ മുറിക്കുവാന്‍ കഴിയുമോ..?
ഇല്ലന്നെന്‍ മനസ്സ് പറയുന്നു ഈ യാത്ര തീരും മുമ്പേ
വീണ്ടും നാം കണ്ടുമുട്ടും വരെ മോഹങ്ങള്‍ തന്‍ ശയ്യയില്‍ മയങ്ങീടാം... .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ